١) خطط أي مسارات بتاخذ و وين وجهاتك بتكون قبل ما تسافر

‍

كشخص دوم يروح اليابان أقدر أقولك ضروري تخطط لمساراتك و وجهاتك قبلها بفترة واللي راح يوفر عليك وقت، يعني عندك نظام النقل العام شوي معقد خاصة بطوكيو و أوساكا، و لا كل مرة تقدر تعتمد على تطبيق جوجل مابز و يمكن تضيعك ويأخذك للمكان الغلط. خل يكون دوم عندك خطط بديلة للتنقل و لستة أو لائحة بالمطاعم اللي تقدم أكل حلال

‍

‍

٢) خل معاك كاش

‍

تأكد إن بإيدك على الأقل 130,000 ين ياباني (أو اللي يساويه) ترا وايد أماكن باليابان مثل المطاعم والكافيهات والمحلات و خاصةً خارج المدن الكبيرة، للحين تتعامل بالكاش وما تقبل أي بطاقة بنكية

‍

‍

IC Card - ٣) بطاقة المواصلات

‍

:بطاقة المواصلات وايد مهمة و تسهل عليك تستخدم المواصلات العامة أو حتى تقدر تتسوق، ولها ثلاث أنواع

"Suica , Pasmo, ICOCA"

أ) إذا عندك أيفون تقدر تحمل وحدة من الأنواع الثلاثة على تطبيق الوالِت

ب) بس في حالة عندك أندرويد أو غيره لمن توصل المطار عيل تقدر تحصل على

Welcome Suica

‍

‍

الانترنت

‍
.١) إيجار راوتر أو واي فاي: سوفتبانك تقدم عرض ممتاز بحوالي 5000 - 10,000 ين ياباني للشهر مع تأمين على حسب نوع الراوتر. الخدمة موثوقة والإرسال وايد قوي بس العيب الوحيد إنك ما تقدر تستخدمه إلا بعد ما تستلمه من الفندق الي راح تقعد فيه و توقع على ورقة عشان الشركة تضمن إنك بترجع الراوتر. هالخيار مثالي للي يبي يقعد باليابان من أسبوعين إلى٣ أسابيع

٢) خدمة التجوال : كل شركات الاتصالات، مثل زين و أوريدو، تقدم خدمة التجوال تقريباً بـ7 دنانير كويتي للأسبوع. وهذا خيار مثالي لرحلة قصيرة أو في حالة الطوارئ، بس يعتبر غالي و حجم بيانات الأنترنت محدود مقارنة بالخيارات المحلية في اليابان

٣) شريحة إي سيم : تنفع للشغل البسيط على الأنترنت و أداءه ممكن يختلف، مع إنه بعض الأفراد ذكرو شكثر استخدامه سهل لكن مو خيار أفضل إذا قاعد تدور على سرعة عالية

‍

‍

يسوى؟ في أغلب الحالات لا JR Pass ال

‍

أولاً للتذكير الـجي أر باس اهي من التذاكر اللي تخدم أنواع مختلفة من المواصلات العامة مثل: الباصات، والقطارات والباخرات واللي ممكن تكون مكلفة شوي بس تأخذك لأكثر من مدينة في اليابان و بأوقات معينة

‍

تذاكر الجي آر باس مو دايماً تستاهل للرحلات الي بس للمدن الكبار مثل طوكيو وأوساكا وكيوتو، بس إذا كنت تبي مرونة بالسفر و ماعندك مانع تدفع أكثر عيل هالتذاكر راح تناسبك

‍

‍

قاعد تفكر تأجر سيارة أو كارتينغ بشوارع طوكيو؟

‍

حالياً يسمح لحاملي رخص القيادة المستخرجة من الإمارات (من دول الخليج) بالقيادة بشرط تقديم جوازات السفر الخاصة بالمسافرين والرخص الدولية للقيادة.

‍

‍

Universal Travel Plug/Adapterييب معاك قابس كهرباء

‍

تأكد تييب معاك القابس الكهربائي مناسب للاستعمال في اليابان عشان تقدر تشحن أجهزتك بأي وقت وتكون على تواصل مع أحبابك

‍

‍

حاول تتعرف على الحروف الابجدية الأساسية باللغة اليابانية

‍

تعلم شوي من الهيراغانا والكاتاكانا واللي راح تسهل عليك و تساعدك تقرأ العلامات و لستة الأكل