ايما- وايد استانست و ماتوقعت اللي شفته! زرنا وايد أماكن وهدفنا كان نشوف ونستمتع بموسم الساكورا وجربنا الأكل والثقافة اليابانية. هالرحلة كانت منظمة و مرتبة و كل اللي كان علينا انسويه بس نستانس. وايد انصحكم تجربون هالشركة و بقوة

جمانة- رحلة الساكورا كانت جداً جميلة ومرينا فيها بالمناطق الريفية واللي جنه احنا بس كنا فيها لانه السياح كانو قليلين وشفنا الساكورا تتفتح وإحنا متجهين للشمال. أحلى شي بالنسبة لي كان هوكايدو! المرشد كان شاطر ورتب لنا رحلة تجمع بين المتعة والمغامرة

انوار- كانت رحلتي في اليابان مع عزيز وايد ممتعة. الخطة كانت مرتبة بدقة عشان نلحق على كل مراحل الساكورا . استكشفنا أماكن متنوعة في اليابان، وكل مدينة كان لها سحرها الخاص وجاذبيتها. كل يوم كان فيه مغامرة جديدة وتجارب ثقافية يابانية. سواء كنت تحب هايكنج، مراسم الشاي، الأكل، أو المناظر الطبيعية، اليابان فيها شيء لكل . لا تفوت فرصة تستكشف اليابان مع عزيز

عمار- عبدالعزيز ساعدنا كثير في تخطيط لرحلتنا لمدة أسبوعين واستفدنا من توصياته بشكل كبير ! توصياته في المدن الكبيرة مثل طوكيو وأوساكا، وأيضًا في الأماكن المخفية مثل سابورو و هكوداته، فتحت عيوننا على أماكن لازم نزورها وتجنبنا الاماكن السياحية. عبدالعزيز، بصفته  نص ياباني وكويتي، عنده ميزة المرشد المحلي الياباني مع إتقانه للعربي، وهذا ساعدنا كثير كسياح سعوديين في العثور . على مطاعم حلال وأفضل خيارات التسوق. شكرًا لك يا عبدالعزيز  

هند- السلام عليكم اخوي عبدالعزيز، شلونك؟ يعطيك الف عافيه و ماقصرت صراحة جدا استمتعنا برحلتنا لليابان و ساعدتنا بالتفاصيل والمعلومات عن تذاكر وبطايق القطارات المختلفة بما انه هالشي الوحيد اللي كنت متوهقه فيه . استانسنا برحلتنا و ان شاء الله مو اخر مره نروح لليابان